facebook FAGAL Twitter FAGAL Instagram FAGAL linkedin FAGAL
Newsletter
Separador
Recetas para el Recuerdo
FagalenLSE
Problemas de memoria
Grupo de Traballo en Demencias
YoTeCuidoApp

Convenio de Colaboración coa USC

UNIVERSIDADE SANTIAGO FAGAL ten ratificado o seu compromiso coa Universidade de Santiago de Compostela a través dun convenio Marco. Esta colaboración canalízase a través do Grupo de Psicoxerontoloxía do servizo de Psicoloxía da USC e ten os seguintes obxectivos:
  • Execución de proxectos e programas de investigación e desenvolvemento, a realizar nos Departamentos da USC e/ou nas instalacións de FAGAL.
  • Asesoramento mutuo en cuestións relacionadas coa actividade de ambas entidades.
  • Cooperación en programas de formación de persoal investigador e técnico.
  • Organización e execución de actividades comúns relacionadas coa promoción social da investigación e o desenvolvemento tecnolóxico.
  • Intercambio de persoal por tempo limitado, cando a índole do traballo así o requira.
  • Cantas outras sexan consideradas de interese mutuo, dentro das disposicións das partes e das actividades que constitúen o obxecto do presente Acordo Marco.
A Unidade de Psicoxerontoloxía do Servizo de Psicoloxía da Universidade de Santiago de Compostela (USC), realiza as seguintes actividades:
  • Investigación psicolóxica do proceso de envellecemento.
  • Avaliación psicolóxica e diagnóstico temperán de alteracións cognitivas e funcionais.
  • Avaliación neurocognitiva do envellecemento san e con deterioro.
  • Intervención en alteracións cognitivas e funcionais.
  • Asesoramento a persoas maiores e ás súas familias tanto no que respecta á prevención e fomento dun envellecemento saudable como á mellora da calidade de vida en situacións de envellecemento patolóxico.
  • Asesoramento a institucións e centros especializados na atención ás persoas maiores e as súas familias.
  • Formación continua no ámbito da Psicoxerontoloxía.
Estes servizos realizaranse no local da Unidade de Psicoxerontoloxía da Facultade de Psicoloxía da Universidade de Santiago de Compostela.
Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar