facebook FAGAL Twitter FAGAL Instagram FAGAL linkedin FAGAL
Newsletter
Separador
Revista 20 Anos
Recetas para el Recuerdo
FagalenLSE
Problemas de memoria
Grupo de Traballo en Demencias
YoTeCuidoApp

2ª Edición do libro "Recetas para el recuerdo"

21/2/2019

Se a Amelia, Mercedes ou Josefa dixéranlles que centenares de persoas comprarían un libro coas súas receitas de bacallau á francesa, roupa vella ou fideos con ameixas probablemente non o crerían. O certo é que as 12 mulleres protagonistas deste libro conseguiron romper moldes e levar as súas receitas por toda España e relanzar así a segunda edición deste marabilloso proxecto da man de azafranes POTE.
.
.
.
.
“Recetas para el recuerdo” recupera os pratos que marcaron a vida das galegas e galegos a través do testemuño de persoas con alzhéimer.

Trátase dunha iniciativa solidaria da marca de azafranes POTE moi vinculada á cultura gastronómica galega, en colaboración coa Federación de Alzhéimer Galicia (FAGAL).

A participación do chef galego con estrela Michelín Yago Daporta, clave no éxito da primeira edición, xa esgotada.

Segundo a Organización Mundial da Saúde (OMS), a demencia é o grupo de enfermidades que máis aumentou en mortalidade nos últimos 15 anos. Calcúlase que en España afecta a 800.000 persoas e cada ano diagnostícanse 40.000 novos casos, polo que xa se considera como “a epidemia do século XXI”. A OMS insiste en que a demencia é xa unha cuestión de prioridade pública. O alzhéimer atópase na orixe do 60% dos casos de demencia e é en Galicia, quizá polo envellecemento da nosa poboación, onde se atopa o cociente máis alto por habitante.

Un total de doce familias e un amplo grupo de profesionais participaron nun proceso complexo de recuperación de contidos, recollidos en 112 páxinas e 12 receitas, respectadas na súa esencia e reinterpretadas por Yago Daporta desde a convicción de que “podemos esquecer unha receita, pero nunca o que nos fixo sentir o seu sabor”. Gozamos así de achegas como “O arroz con coquinas de Soidade” ou “As ameixas á mariñeira de Trindade”, non só polo seu valor gastronómico e cultural senón polo transfondo emocional que esconden estes recordos.

A recadación íntegra das vendas do libro, que xa esgotou a súa primeira edición, esta destinada integramente a FAGAL e as catro asociacións galegas participantes no proxecto: AFAPO, AFAMO, AFAL Ferrol e AGADEA.

O presidente da Federación, Juan Carlos Rodríguez, móstrase moi satisfeito tanto co proceso de creación como cos resultados conseguidos “Só co apoio da xente podemos investir en retardar a deterioración nesas fases iniciais da enfermidade, algo que é clave para cambiar as cifras e as previsións de evolución do alzhéimer”. Igualmente, móstrase agradecido coa iniciativa e pide continuidade para que este relanzamento sexa un novo impulso para a asociación. “Receitas para o recordo é máis que un proxecto gastronómico, é a demostración de que a creatividade dunha marca pode converterse nun enorme apoio para un colectivo que necesita máis atención e máis recursos”.

POTE é unha marca de Verdú Cantou Saffron Spain, centenaria empresa de Novelda (Alacante) que desde os seus inicios cultivou e seleccionou azafrán para comercializalo en distintos países. A nosa gastgronomía estivo vinculada á marca desde hai décadas e a día de hoxe segue sendo moi popular nas nosas cociñas e na nosa memoria.

Podedes facervos cun exemplar desta nova edición na páxina web de "Recetas para el recuerdo"

Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar