AFABER clausura o curso "Coidándose para coidar mellor" no Concello de Laxe
2/11/2017
O pasado 31 de outubro tivo lugar a última sesión e a clausura do Curso “Coidándose para coidar mellor”, que forma parte do Programa Formativo que AFABER dirixe a coidadores/as de persoas afectadas polo Alzheimer ou outra demencia neurodexenerativa.
O curso, que tivo unha duración de 10 horas repartidas en 5 días, estivo dirixido pola psicóloga Lara Rodríguez de las Heras e asistiron un total de 20 persoas, todas elas o de maneira gratuita grazas ao apoio do Concello de Laxe a esta actividade formativa.
A clausura e posterior entrega dos certificados a todas as asistentes contou coa asistencia do Alcalde de Laxe, José Manuel Mouzo, e o membro da Xunta Directiva de AFABER, José Ayala.
