facebook FAGAL Twitter FAGAL Instagram FAGAL linkedin FAGAL
Newsletter
Separador
Revista 20 Anos
Recetas para el Recuerdo
FagalenLSE
Problemas de memoria
Grupo de Traballo en Demencias
YoTeCuidoApp

AFAL Ferrol leva ao colexio de Cariño o seu programa de sensibilización sobre o alzhéimer

7/2/2019
  • Estudantado de Primaria e equpo docente participaron nas actividades propostas pola asociación nas instalacións educativas

AFAL Ferrolterra, en colaboración co Concello e o Colexio de Educación Infantil e Primaria de Cariño, levou ao centro educativo o seu programa de sensibilización á infancia
“O Alzhéimer na Escola”.

Así, no día de onte, o equipo da asociación achegou a enfermidade ao alumnado de sexto curso de Educación Primaria a través dunha charla informativa moi participativa sobre a enfermidade, na que as técnicas da AFAL non só explicaron en que consiste a doenza senón que se centraron en como afrontala desde o punto de vista dos neos e nenas cando se diagnostica un caso na familia.

Así mesmo, o estudantado, e algúns docentes, participaron posteriormente no Circuito “Ponte na súa pel”. Deste xeito, puideron facerse unha idea das dificultades que as persoas con alzhéimer se atopan en actos rutineiros do día a día debido á deterioración ou perda de facultades. E unha efectiva fórmula de concienciación en torno ao alzhéimer con moi boa acollida entre os máis pequenos e pequenas.

A presidenta de AFAL Ferrol, Ana María López, quixo agradecer moi especialmente a implicación no proxecto tanto da dirección como do profesorado do centro.

Galería


Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar