facebook FAGAL Twitter FAGAL Instagram FAGAL linkedin FAGAL
Newsletter
Separador
Revista 20 Anos
Recetas para el Recuerdo
FagalenLSE
Problemas de memoria
Grupo de Traballo en Demencias
YoTeCuidoApp

AFAL Ferrolterra imparte unha charla sobre o alzhéimer no Casino Ferrolano

30/4/2018
  • A cita celebrarase este venres, a partir das 19 h, con entrada libre.

AFAL Ferrolterra continúa co calendario de charlas informativas sobre o alzhéimer na cidade de Ferrol. Unha iniciativa que leva a cabo en colaboración coas diferentes asociacións de veciños, entidades e institucións da urbe naval. Tralo seu paso por Esmelle, Caranza, Ultramar e Canido, este venres é o turno da zona centro e, nesta ocasión, a ponencia celebrarase no Casino Ferrolano. Terá lugar a partir das 19 horas, con entrada libre.

Nesta liña, a presidenta de AFAL, Ana María López, puxo en valor a colaboración do Casino, presente tamén noutras iniciativas levadas a cabo pola asociación, como a primeira edición do seu Bingo Solidario. Unha cita que se reeditará ó longo do vindeiro mes.

Ademais, Ana María López animou á cidadanía a acudir este venres, 4 de maio, ás instalacións do Casino e seguir a charla que ofrecerá AFAL. Nesta ocasión, a directora asistencial e terapeuta ocupacional de AFAL, Noelia Ríos, e o director de administración, José Otero, serán os encargados de abordar a enfermidade e, tamén, os diferentes tratamentos non farmacolóxicos que ofrece a asociación nos seus centros de día para as persoas afectadas e os servizos que presta ás familias. Así mesmo, ó remate das súas exposicións abrirase un turno para que o público asistente traslade as súas dúbidas ou inquedanzas.

Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar