facebook FAGAL Twitter FAGAL Instagram FAGAL linkedin FAGAL
Newsletter
Separador
FagalenLSE
Problemas de memoria
Grupo de Traballo en Demencias
YoTeCuidoApp

AFAL Ferrolterra invita ós máis pequenos da casa a compartir o seu día cos maiores no Centro de Día da asociación

4/1/2018
  • A asociación celebrou un encontro interxeneracional no marco do programa “Nadal, tempo para compartir”.

AFAL Ferrolterra celebrou onte no seu Centro de Día Terapéutico a primeira xornada dun novo programa: “Nadal, tempo para compartir”. A través do mesmo, a asociación convidou ós fillos e fillas dos seus traballadores, así como ós netos e netas dos seus maiores, a pasar un día enteiro no centro e compartir cos seus usuarios diferentes actividades lúdicas. Un encontro interxeneracional do máis divertido e gratificante.

Dunha banda, os nenos, con idades comprendidas entre os 3 e os 12 anos, puideron gozar da compañía dos maiores e, doutra, ver o traballo que se desenvolve nas instalacións. E, máis concretamente, o labor que realizan os seus pais. Así mesmo, os maiores afectados de alzheimer e outras demencias gozaron da presencia dos máis pequenos da casa, un auténtico revulsivo para eles.

A xornada foi un auténtico éxito. Comezaba sobre as once da mañá coa creación dun mural de Nadal. Maiores e pequenos pintaban e recortaban, para despois pegar, as pezas do nacemento. De seguido, e por equipos interxeneracionais, xogaban ós bolos na sala de usos múltiples. Logo chegaba o xantar. E, con máis enerxía que nunca, retomábanse os xogos: o baile da escoba, bailes con globos, “zapatito quieto é”… foron algunhas das actividades. Trala merenda, maiores e pequenos uníanse nunha sesión de cine con palomitas.

O programa repetirase hoxe no Centro de Día da Casa do Mar. E, en base ó éxito colleitado, a presidenta de AFAL, Ana María López, xa avanza a intención da asociación de continuar programando actividades similares ó longo do ano.

Galería


Utilizamos cookies propias y de terceros para mejorar nuestros servicios y mostrarle contenidos relacionados con sus preferencias mediante el análisis de sus hábitos de navegación. Si continua navegando, consideramos que acepta su uso. Puede obtener más información aquí. Aceptar