Antón Acevedo, Director General de Mayores y Atención Sociosanitaria, visitó ayer el centro terapéutico para personas con una demencia neuordexenerativa de la asociación AFAFES en Cee.

El presidente de FAGAL, que es también presidente de AFAFEs, aprovechó el encuentro para presentar las propuestas de la federación para mejorar los servicios de las personas con una demencia en Galicia

 

1.           Creación dunha estratexia pública de loita contra a soidade non desexada con programas específicos con especial fincapé na situación do rural galego e das persoas que afrontan soas os coidados de persoas con unha demencia neurodexenerativa.

 

2.           Recoñecemento da figura da coidadora de feito de persoas cunha enfermidade neurodexenerativa que ampare a toma de decisións fronte a desaparición da figura da tutela.

 

3.           Creación de programas de envellecemento activo co desenvolvemento de actividades e accións, promovan a adquisición de actitudes, coñecementos e habilidades que permitan optimizar a saúde, as súas capacidades na esfera física e mental, así como alcanzar un nivel adecuado de iteración e desenvolvemento na súa contorna promovan hábitos de vida saudable e favorezan a detección precoz de procesos anómalos de envellecemento.

 

4.           Ampliación da rede pública de centros terapéuticos especializados en demencias neurodexenerativas, seguimos coa necesidade de aumentar as prazas de atención a persoas con alzhéimer e outras enfermidades neurodexenerativas, a localización e dispoñibilidade dos equipamentos. Precisamos axilizar os trámites burocráticos para a inclusión das persoas con alzhéimer ou outras demencias neurodexenerativas no Programa de asignación de recursos.

 

5.           Ampliar a carteira de servicios de prevención da dependencia especializada en demencias, fomentando a atención terapéutica domiciliaria e as unidades terapéuticas de media estancia, promovendo a compatibilidade dos servizos desta carteira.

 

6.           Promover a creación e recoñecemento das Unidades Específicas de estimulación terapéutica de alzhéimer ou outras demencias neurodexenerativas no rural galego.

 

7.           Creación de Unidades Específicas de Diagnóstico e Avaliación de trastornos cognitivos e demencias nos Servizos de Neuroloxía do Servizo Galego de Saúde que se coordinen cos programas de estimulación terapéutica das asociación.

 

8.           Mellorar a  asistencia sanitaria reducindo os tempos de espera e ampliando os dereitos e prestacións da tarxeta sanitaria AA, en especial a protocolos de acollida, accesibilidade e acompañamento, a todas as demencias neurodexenerativas.

 

9.           Promover plans formativos para persoal de valoración de dependencia, discapacidade e emerxencias (policía, bombeiros, protección civil) co fin de valorar correctamente o deterioro cognitivo de cara a intervencións.

 

10.         Posta en marcha dunha Estratexia galega de demencias neurodexenerativas que coordine todas as accións dende unha perspectiva integradora.