Noticias
AFAPO realiza unha visita virtual á Biofábrica de Ence en Pontevedra como entidade beneficiaria do Plan Social Ence
A asociación leva a cabo tres talleres de prevención do deterioro cognitivo grazas á colaboración da multinacional pontevedresa.
15/02/2021 | PONTEVEDRA
A principios do mes de febreiro Afapo asistiu a unha reunión virtual á Biofábrica de Ence en Pontevedra. Durante a visita as persoas traballadoras da fábrica explicáronlle ao persoal da asociación o proceso da pasta de papel e mostráronlle todas as instalacións coas que conta a multinacional, nunha reunión que, por mor da pandemia, tivo que realizarse de xeito telemático.
Este é o terceiro ano consecutivo no que Ence colabora coa Asociación de familiares de persoas con alzhéimer de Pontevedra a través da súa acción de Responsabilidade Social Corporativa. Baixo o nome ‘Plan Social Ence’, a empresa quere comprometerse coa sociedade pontevedresa a través de 6 áreas de actuación con un orzamento anual de 3 millóns de euros desde 2017.
Grazas a esta iniciativa Afapo desenvolve tres talleres de prevención do deterioro cognitivo en Marín, Poio e Pontevedra.
Arquivada en:
Inventario de recursos > > AFAPO