FAGAL | Federación Alzhéimer Galicia

Noticias 

A Federación Alzhéimer Galicia amosa á súa preocupación ó non poder abrir os centros de día ata setembro

O pasado venres, 29 de maio, convocouse unha reunión da Xunta Directiva de FAGAL para avaliar o impacto desta decisión, tomada pola Xunta de Galicia, nas persoas con demencia e as súas familias e persoas coidadoras

01/06/2020 | Galicia

Despois do anuncio realizado o pasado venres 29 de maio do acordo do Consello de Goberno da Xunta de Galicia polo que se retrasaba a apertura dos centros de día a setembro, convocouse unha reunión da Xunta Directiva da Federación Alzhéimer Galicia para avaliar o impacto desta decisión nas persoas cunha demencia e as súas familias.

A Xunta directiva amosouse moi preocupada polas consecuencias da ausencia de atención terapéutica das persoas cunha demencia e a situación na que se atopan as familias coidadoras, entendendo que esta decisión mantén máis tempo unha situación de alto custo sanitario e social.

Co fin de ter en conta todas as perspectivas do colectivo de asociacións de familiares, convocouse unha reunión das presidencias das entidades federadas nas que se compartiron as mesmas preocupacións e decidiuse emitir o comunicado que podes atopar no marxe dereito desta mesma página.

 

Arquivada en: