A segunda edición da charla 'Coñecer mellor o alzhéimer' impartida polo neurocientífico Carlos Spuch reuniu telemáticamente a preto de200 estudantes de

Os talleres 'DIVULGAMENTE' impulsados pola Fundación Barrié e a Federación Alzhéimer Galicia acolleron o pasado 15 de xaneiro a 188 estudantes dos centros educativos CIFP Xunqueira, IES María Sarmiento, CPR Aloya e Sagrado Corazón nunha charla divulgativa da man do investigador Carlos Spuch.

Divulgamente é un proxecto de sensibilización interxeracional enmarcado no Programa “Rede Paraugas Alzhéimer” que levan a cabo a Fundación Barrié en colaboración coa Federación Alzhéimer Galicia desde o ano 2013. O seu obxectivo é mostrar dunha maneira próxima e dinámica que son as demencias e como afectan o cerebro, achegando á poboación máis jóven a realidade desta doenza que afecta en Galicia a preto de 100.000 persoas.

Este ano por motivo da crise sanitaria derivada do COVID-19 a maior parte realízase de maneira telemática pero segue mantendo a mesma esencia: a de achegar as demencias á poboación máis nova e fomentar as relacións interxeracionais entre ambos os colectivos.

A actividade está dirixida ao alumnado de Bacharelato e Ciclos Formativos da rama sociosanitaria e este ano desenvólvese nas localidades da A Coruña, Viveiro e Pontevedra. A primeira edición da charla “Coñecer mellor o alzhéimer” tivo lugar en decembro cunha gran acollida e na que participaron os centros educativos CPR Tomás Barros, IES Monte dás Moas, CIFP Ánxel Casal, IES Frei Martín Sarmiento. Esta segunda edición celebrouse o pasado venres 15 de xaneiro en horario de 10 a 12 h da man do biólogo e neurocientífico Carlos Spuch. Nesta ocasión participaron os centros educativos CIFP Xunqueira, IES María Sarmiento, CPR Aloya e Sagrado Corazón.

Unha vez finalizada esta fase, terán lugar as outras dúas: Sensibilización na aula e visita virtual a un centro de alzhéimer, que levarán a cabo as asociacións de alzhéimer de referencia de cada localidade para así pechar o círculo e introducir as demencias desde o punto de vista científico e social facendo partícipes á poboación máis nova desta realidade.

Voltar