FAGAL | Federación Alzhéimer Galicia

Noticias 

As XIX Xornadas Interdisciplinarias de FAGAL tiveron como marco a innovación no campo das demencias achegando novos modelos de atención para o traballo coas persoas con demencia e familias

Foron inauguradas por Don Jorge Aboal Viñas, Director Xeral de Asistencia Sanitaria e clausuradas por Don Fernando González Abeijón, Director Xeral de Maiores e persoas con discapacidade da Xunta de Galicia

 

29/05/2021 | Santiago de Compostela

Este sábado tivo lugar unha nova edición das Xornadas Interdisciplinarias da Federación Alzhéimer Galicia como cada ano desde o 2003.

Neste ocasión trataron sobre a innovación no campo das demencias, co obxectivo de achegar os máis de 190 participantes e profesionais de atención sociosanitaria, novos modelos de atención, estratexias ou terapias que poder poñer en práctica no día a día coas persoas con demencia e familias.

A XIX Xornadas foron Inauguradas por D. Jorge Aboal Viñas, Director Xeral de Asistencia Sanitaria e por Isabel Gey Pérez, presidenta da Federación Alzhéimer Galicia que recalcaron a importante labor das asociacións e dos profesionais incidindo na realidade vivida neste último ano:

“Despois dun ano de incertezas no que púxose de manifesto a importante labor que realizan as asociacións e os profesionais que as conforman, estas Xornadas serven de reflexo de ese traballo continuado e que ten un fin claro: seguir ofrecendo atención de calidade ás persoas con alzhéimer e as súas familias. “

A continuación, tivo lugar a primeira ponencia a cargo da Doutora Dana Peer, da Asociación Alzhéimer Israel (EMDA), na que se coñeceu o modelo de traballo que desenvolve a entidade israelí.

Os talleres paralelos profundizaron nas diversas caras das demencias: dereitos das persoas cunha demencia e as súas familias, a estimulación en salas multisensoriais e espazos Snoezelen e Autocoidado no desenvolvemento das labores profesionais.

Para finalizar, a exposición de traballos das asociacións galegas de alzhéimer, coa intervención das asociacións Afal Ferroltrra, Agadea Alzhéimer e Afalu, nas que se coñeceron proxectos novedosos e con resultados medidos que axudana seguir avanzando na mellora da atención.

Desde a Federación Alzhéimer Galicia agradecen enormemente a cada unha das ponentes, das asociacións e das persoas que asistiron e participaron nesta edición das Xornadas Interdisciplinarias de FAGAL. Esperamos volver a vernos para o ano que ven, pero está vez de xeito presencial.

 

Arquivada en:
Inventario de recursos > > Federación Alzhéimer Galicia