A Federación Alzhéimer Galicia asiste ao encontro 'Diálogos sobre o futuro do envellecemento'

Santiago de Compostela acolleu o encuentro o pasado luns 25 e martes 26 de outubro

 

A Federación Alzhéimer Galicia participa no encontro “Diálogos sobre o futuro do envellecemento” que tivo lugar esta semana na Sede de Afundación de Santiago de Compostela.

Nesta ocasión Galicia foi a Comunidade elixida como sede nacional para o Diálogo sobre o envellecemento por situarse como unha das máis lonxevas de España e con maior número de persoas centenarias.

Os 'Diálogos sobre o futuro' son unha iniciativa do Goberno, a Comisión Europea, o Parlamento Europeo e outras 70 institucións (concellos, gobernos autonómicos, fundacións e universidades) que quere contribuír a impulsar conversacións plurais, informadas e construtivas sobre as oportunidades e desafíos que traerá o mundo pos- Covid.

A Vicepresidenta e Ministra de Traballo e Economía Social, Yolanda Díaz, xunto ao presidente da Xunta de Galicia, Alberto Núñez Feijó, o Delegado conselleiro principal da DG de Agricultura e Medio Rural da Comisión Europea, Diego Canga Fano, e o Alcalde de Santiago de Compostela, Xosé Sánchez Bugallo presidiron este encontro a través da sesión inauguran: O futuro que seremos.

Ao longo das sesións debatéronse diferentes temas relacionados co envellecemento facendo fincapé en que a sociedade e as políticas que leven a cabo deben incluír a perspectiva do cambio de perfil de persoa maior que se leva perfilando desde hai uns anos. Se cada vez envellecemos máis e mellor debemos avanzar e proporcionar novas oportunidades ás persoas maiores, as cales achegan valor engadido coa súa experiencia e valía.

Neste sentido, existen retos actuais como a Silver Economy con tres bloques importantes que son: o reto sociosanitario, a intelixencia artificial, a domótica, a tecnoloxía en en sector silver e os coidados, sobre todo, coidados no domicilio.

Outra vez máis se fai fincapé en que o sector silver é unha gran oportunidade económica, e que se debe de eliminar o falso e típico tópico de que o talento senior tapona o fomento do emprego xuvenil. Debemos aproveitar a experiencia dos senior para a formación dos mozos.

Segundo Juan Fernández Palacios, Director do Centro de Investigación Ageingnomics de Fundación Mapfre, “se o grupo de 55 e 64 anos aumentasen o seu taxa de ocupación en España como noutros países europeos, permitiría aumentar o PIB nun 15%”.

A participación activa deste colectivo é fundamental para coñecer cales son as carencias e que necesitan eles para envellecer mellor. Deste xeito, nunha das mesas expúxose este debate: Que lle pedirías ao teu pobo ou cidade para envellecer ben? Algunhas das cuestións que se puxeron sobre a mesa foron que a contorna sexa accesible, contar con servizos sociais e sanitarios adecuados e de proximidade e actividades culturais e de lecer atractivas para esas idades.

Un debate que queda aberto e sobre o que se pretende traballar conxuntamente entre administracións, entidades públicas e privadas e a sociedade en xeral.

Voltar