Afalu estrea Unidade Preventiva no Concello de Muras

As sesións levanse a cabo todos os venres de 17:00h a 18:30h na Casa do Médico de Muras

O pasado 3 de decembro Afalu puxo en marcha a Unidade Preventiva no Concello de Muras seguindo así co seu compromiso de achegar os recursos dos que dispón as áreas máis rurais e, deste xeito, traballar na prevención das demencias neurodexenerativas, evitar a soidade non desexada e, en definitiva, mellorar a calidade de vida das persoas maiores.

O equipo técnico da asociación desprázase a este Concello todos os venres en horario de 17:00h a 18:30h para levar a cabo estas sesión que teñen lugar na Casa do médico de Muras.

Este servizo, que desenvolverase durante todo o ano 2022, é posible grazas á colaboración do Concello de Muras.  Desde Afalu agradecen a confianza depositada ná entidade para levar a cabo esta actividade.

Voltar