FAGAL | Federación Alzhéimer Galicia

Noticias 

Máis de 400 alumnos e alumnas de Galicia coñeceron como afecta o alzhéimer ao cerebro nos Talleres Divulgamente impulsados grazas a Fundación Barrié.

Durante o mes de outubro tivo lugar a charla divulgativa en diferentes centros educativos de Galicia. Este ano as localidades elixidas foron:  A Coruña, Ourense e Monforte.

 

25/10/2022 | A Coruña, Ourense y Monforte

Un ano máis desde a Fundación Barrié ponse en marcha o proxecto interxeracional  Divulgamente que achega a mocidade o impacto que teñen as demencias no noso cerebro.

Este proxecto ten tres obxectivos principais:

  • Dar a coñecer entre os mais novos o alzhéimer e o traballo que realiza a rede de asociaciones galegas de alzhéimer
  • Fomentar as relacións interxeracionais
  • Promover hábitos de vida saudables como o mellor antídoto contra o desenvolvemento de enfermidades de carácter cardiovascular e neurolóxico.

Divulgamente conta con tres fases ben diferenciadas:

  1. Charla Divulgativa
  2. Sensibilización na Aula
  3. Visita a un centro de alzhéimer

Durante o mes de outubro tivo lugar a primeira fase en diferentes centros educativos de Galicia. Este ano as localidades elixidas foron:  A Coruña, Ourense e Monforte.

Os centros educativos que participaron foron Líceo La Paz, Chíos Formación, CIFP Anxel Casal, IES David Buján, CPR Tomás Barros e CPR Cruz Roja en A Coruña, o Francisco Daviña Rey de Monforte de Lemos, IES Uxío Nespereira de Ourense.

Coma noutras ocasións o doutor e investigador Carlos Spuch foi o encargado de achegar dun xeito ameno como funciona o noso cerebro e que efecto provoca o alzhéimer nel a través da Charla Divulgativa.

A partir de agora terán lugar as seguintes fases que consistirán en que un profesional da asociación de referencia se desprace ata o centro educativo e explique máis detalladamente como funciona un centro especializado de alzhéimer e, por último, será o alumnado o que visitará e intercambiará experiencias e actividades coas persoas usuarias das asociacións participantes: AFACO, AFAOR e AFAMON.

 

Arquivada en:
Que facemos? > Programas | Proxectos | Servizos Actuais > Para a mocidade > Rede paraugas interxeracional
Inventario de recursos > > Federación Alzhéimer Galicia