Noticias 

Visita da concelleira de Benestar Social de Ferrol ao Centro de Día de AFAL Ferrolterra

A edila estudará a viabilidade da proposta presentada pola asociación AFAL Ferrolterra para favorecer a descentralización das terapias cara os barrios da cidade.

31/07/2019

A concelleira de Benestar Social de Ferrol, Eva Martínez Montero, visitou o pasado luns o Centro de Día Terapéutico de AFAL Ferrolterra (rúa Río Castro, 43-45 baixo Ferrol). Unha visita na que a edila compartiu por unhas horas o día a día da asociación.
 
O presidente de AFAL, Francisco Pantín, xunto ao director de administración, José María Otero, dáballe a benvida sobre as 12,30 horas para, de seguido, iniciar un percorrido polas diferentes dependencias con parada nas salas de terapias, onde as persoas usuarias estaban a participar, nese momento, en sesións de ximnasia e estimulación cognitiva lúdica a través das pantallas táctiles. Así mesmo, unha das usuarias fíxolle entrega dun pequeno agasallo, unha das pulseiras solidarias de AFAL, como lembranza do seu paso polo centro.
 
Ademais, a concelleira mantiña ao remate da visita unha xuntanza de traballo co presidente e o director de administración. Nela, abordáronse posibles liñas de colaboración, e a asociación planteoulle a posta en marcha de talleres de estimulación cognitiva fóra dos centros de día. Unha fórmula de descentralización da actividade da asociación que facilitaría o acceso ás terapias por parte de veciñas e veciños da cidade afectados nunha fase inicial. É unha iniciativa que a concelleira comprometeuse a estudar.
 
Por último, edila e a xunta directiva tamén trataron iniciativas relacionadas coa próxima celebración do Día Mundial do Alzhéimer, no mes de setembro. A concelleira quixo destacar tamén o importante labor que leva a cabo AFAL Ferrolterra a favor das persoas con alzhéimer e das súas familias, un pilar fundamental para afrontar esta doenza, namentras que o presidente de AFAL agradeceulle especialmente a visita, a segunda que realiza nos últimos meses e a primeira como concelleira.

Arquivada en:
Inventario de recursos > > AFAL Ferrolterra