Juan Carlos Rodríguez, presidente de Afaga Alzheimer, recibiu a visita do presidente da Autoridade Portuaria de Vigo no Centro de Día da asociación

O Centro de Día especializado Alzheimer-Vigo Beiramar, é o primeiro centro da rede pública que se abriu en Galicia.

O presidente de Afaga Alzheimer, Juan Carlos Rodríguez Bernárdez, recibiu o pasado 15 de febreiro a visita do presidente da Autoridade Portuaria de Vigo, Jesús Vázquez Almuiña, nas inmediacións do Centro de Día especializado Alzheimer-Vigo Beiramar.

Este centro atópase emprazado en plena zona portuaria por iso, o presidente de Afaga Alzheimer, entre outros temas respecto da relación entre as necesidades do centro de día e o porto, aproveitou a visita para solicitar a posibilidade de habilitar un espazo exterior para uso de toda a cidadanía, e que permita dar un aire ás persoas usuarias do centro para que o utilicen como zona de esparexemento xa que este carece de patio exterior.

Nesta oportunidade, Juan Carlos Rodríguez Bernárdez, explicou ademais a dinámica de traballo que levan a cabo os profesionais da asociación, as características principais e a resposta que deron durante a pandemia, xa que o Centro de Día especializado Alzheimer-Vigo Beiramar foi a único da área sanitaria de Vigo que se mantivo aberto de forma continua en pleno confinamento, para dar unha resposta ás necesidades das persoas con alzhéimer, realizando mesmo intervencións en domicilios.

O Centro de Día especializado Alzheimer-Vigo Beiramar, é o primeiro centro da rede pública que se abriu en Galicia.

Voltar