FAGAL da comezo aos cursos de Coidados Compartidos grazas á doazón do Festival da Luz

Có recadado no Festival da Luz no ano 2022, púidose destinar á formación de coidadores no rural.

Este luns 20 de novembro inaugúranse os cursos para persoas coidadoras de persoas cunha demencia neurodexenerativa. O primeiro será impartido en Guitiriz, pero realizaranse por toda Galicia xa que estes cursos teñen como obxectivo formar e axudar a persoas en contornas rurais. Serán impartidos por profesionais especializados: psicólogos, traballadores sociais e/o terapeutas ocupacionais.

O envellecemento é o principal factor para a aparición dunha demencia e as proxeccións demográficas de Galicia prevén un aumento das persoas maiores de 65 anos do 23’15% actual ao 41% en 2050.

O contexto rural experimenta un fenómeno de sobre envellecemento ao que se lle engade unha escaseza de servizos e ausencia de intervencións. Esta realidade non só afecta á persoa que padece unha enfermidade se non a todo o núcleo familiar.

Por iso, o proxecto achega a persoas coidadoras de persoas maiores con demencia, residentes no rural, formación e información sobre o alzhéimer e outras demencias neurodexenerativas, así como servizos e recursos segundo a localidade onde se intervén para mellorar a calidade de vida.

 

Voltar