Aínda que é certo que a día de hoxe non existe un tratamento efectivo que permita curar a enfermidade de Alzhéimer, si está comprobado que a detección precoz, a estimulación cognitiva e física, xunto co uso de fármacos, axudan a retardar o avance da mesma. Todo iso contribúe á mellora da calidade de vida e o benestar da persoa que a padece e tamén da familia.

Se ti es unha persoa con demencia ou un familiar poñemos á vosa disposición a relación de programas e servizos que se realizan a través da Federación e as asociacións membro.